sábado, 25 de enero de 2014

DONA CARME

AO LONGO DESTE NOVO PROXECTO, ESTAMOS A TRABALLAR O CONTO DE "DONA CARME"...














ENCANTOUNOS LER ESTE CONTO PORQUE APARECEN UNHA MOREA DE ANIMAIS A GRANXA; CAN, GATO, RATO, GALO, OVELLA, BOI, PORCO, BURRO...

APROVEITANDO ESTE CONTO, UNHA DAS ACTIVIDADES QUE OS NEN@S REALIZAN NO RECUNCHO DAS LETRAS É ESTA...











COA AXUDA DE PICTOGRAMAS, EN CADA UNHA DAS PÁXINAS, APARECE A FRASE "DONA CARME TEN UN..." E OS NEN@S TEÑEN QUE COLLER A PALABRA MÓBIL CORRESPONDENTE E COLOCALA AO REMATE DA FRASE.

UNHA ACTIVIDADE LÚDICA E DIVERTIDA COA QUE ESTAMOS A TRABALLAR A LECTO-ESCRITURA E OUTROS ASPECTOS COMO SON A DISCRIMINACIÓN VISUAL E AUDITIVA.

AS IMAXES DESTE CONTO FORON SACADAS DO BLOGUE  http://primerciclofontescura.blogspot.com.es

lunes, 20 de enero de 2014

CHEGA MATERIAL PARA O PROXECTO...

Á ESPERA DE QUE CHEGASE MATERIAL PARA A BUSCA DE INFORMACIÓN, A NOSA VACA BLANCA ESTABA ANSIOSA...


DE SÚPETO, CHEGARON OS NEN@S CARGADIÑOS DE MATERIAL; BONECOS, CANCIÓNS, UN DOSSIER CON FOTOGRAFÍAS, LIBROS, CONTOS, PUZLES...

QUE BEN! CANTAS COUSAS TEMOS PARA A BUSCA DE INFORMACIÓN. ADEMÁIS, VIMOS QUE UN DOS LIBROS TRAE AS DIFERENTES RAZAS DE VACAS QUE EXISTEN QUE É, PRECISAMENTE, UNHA DAS COUSAS QUE ANOTAMOS SOBRE O "QUE QUEREMOS APRENDER?". XENIAL!!. MIRADE QUE FERMOSO NOS QUEDOU O RECANTO DO PROXECTO...








MOITÍSIMAS GRAZAS ÁS FAMILIAS POR COLABORAR!! SODES XENIAIS...

BONECOS DE NEVE

CHEGOU O INVERNO E CON EL A CHUVIA, O FRÍO, A NEVE...QUE BEN! A NEVE...
CON ELA PODEMOS FACER INFINIDADE DE COUSAS, CUNHAS LUVAS POSTAS POR SUPOSTO...

ENTREMENTRES ESPERAMOS A QUE CHEGUE, ELABORAMOS UNS BONECOS QUE, AÍNDA QUE NON SON FEITOS CON NEVE DE VERDADE, QUEDARON CHULÍSIMOS. 

IDÓNEOS PARA DECORAR AS VENTÁS DA NOSA AULA...






sábado, 18 de enero de 2014

RECUNCHO DAS LETRAS...

APROVEITANDO QUE OS NOMES SON UN ELEMENTO MOI MOTIVADOR Á HORA DE TRABALLAR Á LECTO-ESCRITURA, NO NOSO RECUNCHO DAS LETRAS CONTAMOS CUN LIBRO DE NOMES MOI ESPECIAL..ESTAMOS DISFRAZADOS DE CACATÚAS, OSOS E CERVOS, OS ANIMAIS QUE REPRESENTAN OS NOSOS EQUIPOS DE CLASE. 

ENCÁNTANOS BUSCAR AS LETRAS PARA COMPOÑER OS NOSOS NOMES...






UNHA XENIAL IDEA QUE ME DEU A PROFE NAI DENDE O SEU BLOGUE www.duendesjuguetones.blogspot.com.es

COLABORACIÓN DAS FAMILIAS...

ESTE VENRES A NOSA VACA - QUE , POR CERTO, XA TEN NOME; CHÁMASE BLANCA. ASÍ O DECIDIMOS POR VOTACIÓN DEMOCRÁTICA ENTRE TRES A ESCOLLER; PASIEGA, PINTA E BLANCA. AO FINAL TIVO MÁIS VOTOS ESTE ÚLTIMO- ENVIOUNOS UNHA NOVA CARTA. ALÍ ESTABA, NO NOSO BUZÓN...



ASÍ O FIXEMOS, TAL E COMO NON DIXO A NOSA VACA BLANCA. COMPLETAMOS AS PALABRAS QUE FALTABAN NA NOTA; MAMÁ, PAPÁ E VACAS.


ASÍ, SERÁ MAÍS DOADO BUSCAR A INFORMACIÓN QUE PRECISAMOS...

ENCANTOUNOS A CARTA, E SOBRE TODO, O SELO...ERA UN TANTO PARTICULAR...




martes, 14 de enero de 2014

QUE COUSA, COUSIÑA É?

ENTRE AS ACTIVIDADES INICIAIS DESTE NOVO PROXECTO, ATÓPASE O RECITADO CON XESTOS E MEMORIZACIÓN DESTA ADIVIÑA...

DÚAS TORRES ALTAS,

DOUS MIRADORES

UN ESPANTAMOSCAS

E CATRO ANDADORES.

PARA FACILITAR A COMPRENSIÓN, PRESENTEILLES A ADIVIÑA CON PICTOGRAMAS E, ASÍ, CON ESTE APOIO VISUAL FOINOS MÁIS DOADO APRENDELA.


QUE DIVERTIDO FOI APRENDELA! ADEMÁIS, AXIÑA ATOPAMOS A SOLUCIÓN...

PROXECTO "A VACA"

COMEZA UN NOVO TRIMESTRE E CON EL...UN NOVO PROXECTO! ANTES DO NADAL SEMPRE NOS ENVIABA CARTAS UNHA BRUXIÑA PARA ENCARGARNOS ALGUNHA TAREFA PERO HOXE...SORPRESA!! NON FOI A BRUXA A QUE NOS DEIXOU A CARTA, NON...MIRADE, MIRADE.




RESULTA QUE UNHA VAQUIÑA IBA ANDANDO POLO PRADO E, CAMIÑANDO E CAMIÑANDO, PERDEU ÁS SÚAS COMPAÑEIRAS E CHEGOU ATA O NOSO COLE.

NA CARTA QUE NOS ENVIOU PEDIUNOS QUE LLE AXUDARAMOS A VOLTAR Á SÚA CASA, XA QUE ELA NON SABÍA DICIR QUEN ERA, NIN ONDE VIVÍA, NIN QUEN ERA O SEU DONO, NIN OS SEUS AMIG@S...

ENCARGOUNOS UNHA TAREFA; ESCRIBIR TODO O QUE SABIAMOS SOBRE ELA E TAMÉN O QUE NON SABIAMOS PORQUE ISO É O QUE TEMOS QUE INVESTIGAR. ASÍ, RECOPILANDO TODA A INFORMACIÓN DURANTE O PROXECTO, SEREMOS CAPACES DE AXUDARLLE Á VACA A VOLTAR AO SEU FOGAR.

E ASÍ O FIXEMOS...



SABEMOS QUE PACE NO PRADO, QUE TEN CORNOS, QUE VIVE NO ESTABLO, QUE DA LEITE...PERO NON ESTAMOS MOI SEGUROS DE CANTAS RAZAS DE VACA EXISTEN, NIN POR QUE REMOE E TAMPOUCO SABEMOS DICIR EXACTAMENTE CANTOS ESTÓMAGOS TEN.

PERO ISO TEN UNHA DOADA SOLUCIÓN: INVESTIGAR! 

domingo, 12 de enero de 2014

XICES DE CORES...

CANDO O TEMPO O PERMITE, ENCÁNTANOS SAÍR UN RATIÑO AO PATIO A PINTAR LIBREMENTE CON XICES DE CORES. ENTÓN...POR QUÉ NON FACER NÓS MESMOS AS XICES QUE ÍMOS EMPREGAR?

CANDO LLO PROPUXEN AOS PEQUES ENCANTOULLES A IDEA!! PRIMEIRO HABÍA QUE RECOPILAR O MATERIAL QUE IAMOS PRECISAR; XESO, AUGA, TUBOS DE CARTÓN, TÉMPERAS, CULLERES, XORNAIS PARA NON LIXAR O CHAN...


DESPOIS HABÍA QUE PREPARAR A MASA...

INGREDIENTES: 1 TAZA DE XESO , 1 TAZA DE AUGA, 1 CHORRIÑO DA TÉMPERA QUE MÁIS NOS GUSTE.

PREPARACIÓN: BOTAR NUHA CUNCA A TAZA DE XESO E, A CONTINUACIÓN, BOTAR A AUGA E IR REMEXENDO. CANDO ESTEA TODO BEN MESTURADO BOTAR O CHORRIÑO DE TÉMPERA PARA DARLLE COR Á MASA.

ISTO FIXÉMOLO POR PARELLAS PARA NON CANSAR MOITO A MAN... MIRADE, MIRADE...




E ASÍ DE BEN NOS QUEDARON AS MASAS...


A CONTINUACIÓN, INTRODUCIMOS AS DIFERENTES MASAS DE CORES NOS TUBOS DE CARTÓN E DEIXÁMOLOS A SECAR AO CARÓN DA VENTÁ. 

ÍMOLOS DEIXAR UNS DÍAS PARA QUE SEQUEN BEN E DESPOIS...A DISFRUTAR!!