CELEBRAMOS A PAZ CON ELMER E OS CÓDIGOS QR

ESTE VENRES, 30 DE XANEIRO, NOS CENTROS EDUCATIVOS CONMEMORAMOS O DÍA DA PAZ. A NIVEL DE AULA, DURANTE ESTA SEMANA, ESTAMOS A ABORDAR ESTA TEMÁTICA DA EDUCACIÓN EN VALORES A TRAVÉS DUN CONTO QUE LLES ENCANTA AOS PEQUES...ELMER! 

PERO...POR QUE CON ESTE CONTO? POIS TEN UNHA SINXELA EXPLICACIÓN. O LUNS TIÑAMOS NO NOSO BUZÓN UNHA CARTA DA NOSA MASCOTA. NA MISIVA, LILA DÍXONOS QUE BUFO (UN AMIGO NOSO SAÍDO DUN CONTO QUE DECIDIU QUEDAR CON NÓS NO COLE) LLE ESTIVO A FALAR DUN ELEFANTE QUE COÑECEU ALÓ POLA SELVA E QUE, ADEMÁIS DE SER DE CORES, ERA MOI DIVERTIDO!

ANTE ESTA HISTORIA, LILA DECIDIU PEDIRNOS UN PEQUENO ENCARGO; INVESTIGAR COUSAS SOBRE ESTE ELEFANTE TAN PECULIAR. DÍXONOS QUE BUFO NOS DEIXARA NA PDI UN VIDEO DO SEU AMIGO, QUE O VIRAMOS E QUE LLE CONTARAMOS O QUE MÁIS NOS GUSTARA DEL. E ASÍ O FIXEMOS...

TAMÉN NOS DIXO QUE SE LLE APORTABAMOS ESA INFORMACIÓN NOS DARÍA UNHA GRATA SORPRESA. QUE SERÁ?!!

DESPOIS DO VISIONADO, TIÑAMOS QUE DECIDIR COMO LLE ÍAMOS APORTAR A LILA ESTA INFORMACIÓN. POR MAIORÍA, DECIDIMOS QUE GRAVARIAMOS UNS VIDEOS (UN POR CADA EQUIPO) EXPLICÁNDOLLE A LILA QUE É O QUE MÁIS NOS GUSTA DE ELMER.

PARA QUE LILA ENTENDESE PERFECTAMENTE OS VIDEOS, OS COMPOÑENTES DE CADA EQUIPO TAMÉN TIVERON QUE DECIDIR QUE ERA O QUE IBAN A CONTAR NO VIDEO E EN QUE ORDE FALARÍAN CADA UN DELES. UNHA VEZ DECIDIDO, PUXÉMONOS MANS Á OBRA...

AO DÍA SEGUINTE, ATOPÁMONOS CUNHA GRAN SORPRESA. A LILA ENCANTÁRONLLE OS NOSOS VIDEOS E, COMO AGRADECEMENTO, DEIXOUNOS NO BUZÓN UNS CÓDIGOS QR PROPOÑÉNDONOS UN XOGO DIVERTIDÍSIMO!

ESTE XOGO CONSISTÍA EN DESCUBRIR, EMPREGANDO A TABLET, QUE VIDEO SE AGOCHABA EN CADA UN DOS CÓDIGOS QR E, COMO TAMÉN NOS DEIXOU UNHAS CARTULINAS DAS CORES DOS NOSOS EQUIPOS, TIÑAMOS QUE RELACIONAR O VIDEO COA CARTULINA CORRESPONDENTE. PERO COMO EU DIGO SEMPRE...UNHA IMAXE VALE MÁIS QUE MIL PALABRAS. OLLADE, OLLADE!

DESPOIS DE RELACIONALOS, PREGUNTÁMONOS EN QUE LUGAR PODERÍAN TER MÁIS UTILIDADE E, COMO NO RECANTO DE ARTE, ESTAMOS A ELABORAR EN ELMER XIGANTE, DECIDIMOS QUE OS COLOCARIAMOS NO MURAL DA PAZ, AO CARÓN DE ELMER. QUEREDES VELO?

ANTES DE ENSINARVOS COMO NOS QUEDOU O MURAL DA PAZ, DÉIXOVOS AQUÍ OS CÓDIGOS QR E OS VIDEOS ASOCIADOS A ELES.

E AGORA SÍ! QUEREDES VER COMO NOS QUEDOU O NOSO MURAL DA PAZ INTERACTIVO?...

FELIZ DÍA DA PAZ!

E PARA COMEZAR...UN CURTO!

COMO XA VOS COMENTEI, NO PRIMEIRO TRIMESTRE, ESTIVEMOS A TRABALLAR CONTIDOS RELACIONADOS COA TEMÁTICA DO CORPO HUMANO; PARTES QUE O COMPOÑEN, ARTICULACIÓNS, OS SENTIDOS, OS DIFERENTES SABORES QUE DEGUSTAMOS GRAZAS AO SENTIDO DO GUSTO...

NA XORNADA DE HOXE, ESTIVEMOS A LEMBRAR COUSIÑAS QUE APRENDEMOS E PROPÚXENLLES AOS NEN@S UN XOGO RELACIONADO COA AUSENCIA DUN DOS CINCO SENTIDOS, COA FINALIDADE DE QUE TOMARAN CONCIENCIA DAS "DIFICULTADES" QUE CONLEVA  VIVIR SEN ALGÚN DELES . PARA ISTO, PRIMEIRO VISIONAMOS ESTE FERMOSO CURTO DE ANIMACIÓN...

DESPOIS DO VISIONADO, ESTABLECEMOS UNHA CONVERSA SOBRE A TEMÁTICA. COMPRENDIMOS PERFECTAMENTE QUE A NENA, AO NON PODER VER, TIVERA QUE EMPREGAR OS OUTROS SENTIDOS PARA UBICARSE NO MUNDO. NEMBARGANTE, NON ENTENDEMOS MOI BEN PORQUE ESTA NENA ESTABA A OBSERVAR UNHA BALEA VOANDO CANDO EN REALIDADE ERA UN AVIÓN, OU PORQUE IMAXINABA UN RÍO NO MEDIO DA ESTRADA CON MEDIOS DE LOCOMOCIÓN EN FORMA DE PEIXES.  PARA ENTENDER ISTO, TODO@S TIVEMOS QUE IMAXINAR QUE NUNCA VIMOS UN AVIÓN, NIN UNHA ESTRADA, NIN OS MEDIOS DE TRANSPORTE, COMO OS IMAXINARÍAMOS?...

REALMENTE, RESULTOUNOS UN POUQUIÑO COMPLICADO. POR ISO COMPRENDIMOS QUE SE NOS ATOPAMOS POLA RÚA CUNHA PERSOA INVIDENTE, DEBEMOS PRESTARLLE A NOSA AXUDA SE A PRECISA. TAMÉN ENTENDEMOS QUE PARA ESTA NENA A COMPAÑA DO SEU CADELO É MOI IMPORTANTE PARA PODER GUIARSE E DIRIXIRSE AOS SITIOS QUE DESEXA.

DESPOIS DESTA CONVERSA, LEVAMOS A CABO O XOGO. ESTE CONSISTÍA EN QUE UN NEN@, COS OLLOS TAPADOS, DEBÍA DIRIXIRSE, EMPREGANDO OS OUTROS SENTIDOS, ATA ONDE ESTABA OUTRO NENO FACENDO SOAR UNS CASCABEIS. UNHA VEZ AO CARÓN DEL, DEBÍA EMPREGAR O SENTIDO DO TACTO PARA APALPAR OS SEUS RASGOS FÍSICOS E ADIVIÑAR QUEN ERA. PASÁMOLO MOI BEN E COMPRENDEMOS MELLOR O IMPORTANTE QUE É TER O PRIVILEXIO DE PODER EMPREGAR O SENTIDO DA VISTA PARA OBSERVAR DUNHA FORMA DIRECTA TODO O QUE RODEA O NOSO MUNDO.

O FESTIVAL DO NADAL

CHEGOU O NADAL AO CEIP ELOÍSA RIVADULLA E, PARA CELEBRALO, NEN@S, FAMILIAS E MESTRES PARTICIPAMOS NUN FERMOSOS FESTIVAL CHEO DE EMOCIÓN E ILUSIÓN.

PERO ESTES DÍAS DE NADAL NON SÓ FORON ENSAIOS NO COLE, FIXEMOS UNHA MOREA DE COUSAS MÁIS; ELABORAMOS POSTAIS, VISITOUNOS PAPÁ NOEL E OS REIS MAGOS, SACAMOS DIVERTIDAS FOTOGRAFÍAS NAS QUE NOS CONVERTEMOS NAS SÚAS MAXESTADES....PERO MELLOR BOTADE UNHA OLLADA!

SILVIA CASTELO BOUZA de Slidely by Slidely Slideshow

E PARA PORLLE A GUINDA AO PASTEL, POR FÍN CONVERTEMOS OS ENSAIOS NUNHA FERMOSA ACTUACIÓN CHAMADA "O APALPADOR". QUEREDES VER UN CHISQUIÑO?

QUE PEQUENOS GRANDES ARTISTAS SON OS MEUS NEN@S!!!! DENDE O NOSO BLOGUE QUERO DESEXARLLES UN BO NADAL E UN FELIZ ANO PARA ELES E AS SÚAS FAMILIAS.

"O APALPADOR"

O FESTIVAL DO NADAL ESTÁ A VOLTA DA ESQUINA E NA AULA DE 4 ANOS ESTAMOS DESEXANDO QUE CHEGUE PARA PODER BAILAR A CANCIÓN "O APALPADOR" DO LIBRO.DISCO "BRINCA VAI" DE PACO NOGUEIRAS.

COMO MOITOS DOS PAPÁS/MAMÁS ME ESTÁN  A PEDIR A CANCIÓN PARA PODER ENSAIAR COS SEUS PEQUES NA CASA, AQUÍ VOS DEIXO O VÍDEO COA CANCIÓN. 

ESPERO QUE VOS GUSTE E QUE O PASEDES MOI BEN COS VOS@S FILL@S ENSAIANDO O BAILE.

O OUTONO INVADE A NOSA AULA

DURANTE ESTE PRIMEIRO TRIMESTRE, ESTIVEMOS A TRABALLAR, ENTRE OUTROS, CONTIDOS RELACIONADOS COA ESTACIÓN DO OUTONO; AS CORES QUE RODEAN O ENTORNO NATURAL, FROITOS SECOS E CARNOSOS, ÁRBORES DE FOLLA PERENNE E FOLLA CADUCA....

COMO NON PODÍA SER DOUTRO XEITO, MOITOS DOS TRABALLOS RELACIONADOS CON ESTA TEMÁTICA LEVARONSE A CABO NO RECANTO DE ARTE, ONDE TIVEMOS A OPORTUNIDADE DE DEIXAR VOAR A NOSA IMAXINACIÓN E CREATIVIDADE.

APROVEITANDO QUE NO NOSO ENTORNO HAI UNHA MOREA DE FOLLAS DE OUTONO, DECIDIMOS DECORALAS CON TÉMPERAS SÓLIDAS E DARLLE VIDA Á ARBORE DA NOSA AULA. 

ADEMÁIS, DURANTE ESTE TEMPO, FOMOS OBSERVANDO CALES ERAN AS CORES PREDOMINANTES DESTA ESTACIÓN, AS CALES EMPREGAMOS PARA FACER UNHA PRECIOSA OBRA EMPREGANDO AS ESPONXAS COMO TÉCNICA PLÁSTICA.

PERO COMO EU SEMPRE DIGO, UNHA IMAXE (OU VARIAS) VALEN MÁIS QUE MIL PALABRAS...

SILVIA CASTELO BOUZA de Slidely by Slidely Slideshow

APPs PARA O NADAL

ESTES DÍAS PREVIOS AO NADAL, OS MEUS PEQUES TERÁN A OPORTUNIDADE DE XOGAR CON DIFERENTES APPs RELACIONADAS CON ESTA TEMÁTICA NO RECANTO DAS TICs.

QUEREDES SABER QUE APPs ÍMOS EMPREGAR?

A PRIMEIRA DELAS CHÁMASE "KIDS DOTS NAVIDAD" E CONSISTE EN IR UNINDO OS NÚMEROS PARA DARLLE FORMA A UN ELEMENTO TÍPICO DO NADAL. DÉIXOVOS DOUS EXEMPLOS:

A SEGUNDA DELAS "JUEGOS PUZZLES NAVIDAD" CONSISTE EN ELABORAR OS DIFERENTES CREBACABEZAS RELACIONADOS CO NADAL. AQUÍ VOS DEIXO UN DOS TANTOS QUE APARECEN:

A TERCEIRA APP, "NIÑOS NAVIDAD ROMPECABEZAS", TAMÉN CONSISTE EN COMPLETAR OS DIFERENTES CREBACABEZAS DÁNDONOS A POSIBILIDADE DE ESCOLLER ENTRE DIFERENTES NIVEIS; DOADO, MEDIO, DIFÍCIL. UN EXEMPLO É O SEGUINTE:

A CUARTA E DERRADEIRA APP, OFRECE DIFERENTES XOGOS ENTRE OS QUE ATOPAMOS DIVERTIDOS ELEMENTOS DO NADAL AOS QUE LLES TEMOS QUE IR COLOCANDO AS PEZAS QUE OS FORMAN.  

ESPERO QUE VOS GUSTEN E QUE VOS SEXAN DE UTILIDADE PARA ESTE DÍAS.

FELIZ ANIVERSARIO!

ESTE MES TIVEMOS UNHA MOREA DE ANIVERSARIOS. MOIROS PARABÉNS PARA AMARA, ANTÍA, NICOLÁS, ANDREA, KIMBERLY E YAIZA!!!!