viernes, 9 de junio de 2017

FESTIVAL BENÉFICO A FAVOR DA PROTECTORA DE ANIMAIS

O PRÓXIMO 16 DE XUÑO TERÁ LUGAR A PRIMEIRA EDICIÓN DO "FESTICAN", SERÁ NA PLAZA DE SANTA MARÍA A PARTIR DAS 18:00 H.


ESTE FESTIVAL BENÉFICO A FAVOR DA PROTECTORA DE ANIMAIS DE LUGO CONTARÁ COA PRESENZA DE DIFERENTES ARTISTAS QUE APORTARÁN MÚSICA, CONTOS, TÍTERES E MAXIA. 

ANÍMOVOS A ACUDIR COS VOSOS NEN@S XA QUE, ADEMÁIS DE PASAR UN MOMENTO DO MAÍS DIVERTIDO, ESTAREDES CONTRIBUINDO A QUE OS ANIMAIS DA PROTECTORA TEÑAN UNHA VIDA MÁIS FELIZ.


miércoles, 7 de junio de 2017

SAÍDA A MARCELLE

ESTE PASADO LUNS REALIZAMOS UNHA SAÍDA MOI ESPECIAL QUE NOS SERVIU PARA POÑERLLE A GUINDA AO NOSO PROXECTO ANUAL "ANIMALADAS". 

VISITAMOS O PARQUE ZOOLÓXICO MARCELLE NATUREZA, UBICADO MOI PRÓXIMO AO CONTORNO DO NOSO CENTRO EDUCATIVO. 

ALÍ, TIVEMOS A OPORTUNIDADE DE OBSERVAR UNHA MOREA DE ANIMAIS UBICADOS DO SEGUINTE XEITO...



ALGÚNS DELES XA NOS ERAN COÑECIDOS COMO AS CABRAS OU OS BURROS PERO DESCUBRIMOS OUTROS MOI PECULIARES COMO OS SURICATAS OU O CARPINCHO.

E ENTRE TANTO DESCUBRIMENTO, ASÍ DE BEN O PASAMOS...



ENCANTOUNOS A VISITA A MARCELLE!! PASÁMOLO XENIAL!!!!!!

viernes, 19 de mayo de 2017

CONVERTÍMONOS EN ENFERMEIR@S!

COMO XA SABEDES, HAI UNS DÍAS RECIBIMOS A VISITA DOS PAPÁS DE ENOL, QUE VIÑERON A FALARNOS DA SÚA PROFESIÓN (VETERINARIOS) E A ENSINARNOS OS DIFERENTES INSTRUMENTOS QUE EMPREGAN PARA CURAR AOS ANIMAIS.


POIS BEN, NESTA OCASIÓN, RECIBIMOS A VISITA DE CANDELA (MAMÁ DE ÁLVARO) QUE SE ADICA TAMÉN AO SECTOR DA SANIDADE PERO, NESTE CASO, DA SAÚDE E COIDADO DAS PERSOAS XA QUE ELA É ENFERMEIRA.

DESTE XEITO, PUIDEMOS COMPARAR E OBSERVAR SEMELLANZAS E DIFERENZAS ENTRE OS INSTRUMENTOS QUE SE EMPREGAN PARA CURAR ANIMAIS E  OS QUE SE EMPREGAN PARA O COIDADO DAS PERSOAS. 

NON PERDIMOS DETALLE DE TODO O QUE NOS CONTOU...



TAL E COMO FIXEMOS COS ANIMAIS DE PELUCHE, NESTA OCASIÓN TAMÉN TIVEMOS A OPORTUNIDADE DE CONVERTIRNOS EN ENFERMEIR@S PARA CURAR OS BEBÉS QUE TEMOS NO RECANTO DO XOGO SIMBÓLICO. 

OLLADE QUE PROFESIONAIS...



COMA SEMPRE, AGRADECER A CANDELA QUE NOS DERA A VISITA E NOS APORTARA TANTA INFORMACIÓN SOBRE A SÚA PROFESIÓN.

MOITAS GRAZAS!!


martes, 16 de mayo de 2017

"UNHA VELLA TIÑA UN CAN"

COMO O PROMETIDO É DEUDA E, AÍNDA QUE NON SE CORRESPONDE Á ACTUACIÓN QUE FIXERON NO FESTIVAL DAS LETRAS GALEGAS DEBIDO A UN FALLO TÉCNICO, AQUÍ VOS DEIXO A CANCIÓN INTERPRETADA POLOS NEN@S DE 4º DE EDUCACIÓN INFANTIL "UNHA VELA TIÑA UN CAN" DO LIBRO-DISCO "PAN DE MILLO".


ESTA INTERPRETACIÓN, ADEMÁIS, ESTÁ ESTREITAMENTE RELACIONADA COS CONTIDOS QUE TRABALLAMOS DENTRO DO PROXECTO "ANIMALADAS" QUE, Á SÚA VEZ, ESTÁ DENTRO DO PROGRAMA "PROTEXE AOS ANIMAIS" DO PLAN PROXECTA.

XULGADE VÓS MESMOS QUE TAL O FIXERON...



APROVEITO A ENTRADA PARA AGRADECERLLE A JANA (PROFE DE MÚSICA) QUE NOS ACOMPAÑARA NESTA ACTUACIÓN TANTO VOCAL COMO INSTRUMENTALMENTE.

FELIZ DÍA DAS LETRAS GALEGAS!

viernes, 5 de mayo de 2017

CONVERTÍMOSNOS EN VETERINARI@S!!

ESTE PASADO XOVES TIVEMOS UNHA VISITA MOI ESPECIAL! OS PAPÁS DE ENOL, AMBOS OS DOUS VETERINARIOS, VIÑERON A DARNOS UNHA CHARLA SOBRE A SÚA PROFESIÓN ACOMPAÑADOS POLA MASCOTA DE ENOL; LUCY.

PASAMOS UN RATIÑO MOI ENTRETIDO OBSERVANDO OS DIFERENTES INSTRUMENTOS QUE SE EMPREGAN PARA CURAR AOS ANIMAIS E, DÉMONOS CONTA, DE QUE MOITOS DELES SON SEMELLANTES AOS QUE EMPREGAN OS MÉDICOS E/OU PEDIATRAS. ISO SÍ, DEPENDENDO DO TAMAÑO DO ANIMAL, UNHOS SON MÁIS GRANDES QUE OUTROS.

ENTRE TODAS AS COUSAS QUE NOS ENSINARON PUIDEMOS VER A CARTILLA DE VACINAS DE LUCY, DIFERENTES TAMAÑOS DE TESOIRAS, DE BOCEIRAS, DE XERINGAS, DE FONENDOSCOPIOS, DE GUANTES... TAMÉN OUTROS INSTRUMENTOS COMO O TERMÓMETRO, DIFERENTES MEDICAMENTOS E APARELLOS PARA EXAMINAR OS OLLOS E OS OÍDOS DAS NOSAS MASCOTAS.


OLLADE QUE ATENT@S ESTABAMOS...



DESPOIS DA CLASE TEÓRICA, CHEGOU A HORA DE POÑER EN PRÁCTICA ESTES COÑECEMENTOS RECÉN ADQUIRIDOS. PARA ISTO, FIXEMOS USO DUN "KIT DE VETERINARI@S" QUE NOS FACILITARON OS PAPÁS DE ENOL. ESTE KIT CONSTABA DUN GORRO, GUANTES, MÁSCARA CIRÚRXICA, XERINGA...INSTRUMENTOS QUE @S NEN@S EMPREGARON PARA CONVERTIRSE EN AUTÉNTICOS VETERINARI@S. 

NON PERDADES DETALLE...



PARA FINALIZAR A ENTRADA, QUERO AGRADECERLLE ENORMEMENTE AOS PAPÁS DE ENOL O TEMPO ADICADO A PREPARAR ESTA ACTIVIDADE E POR APORTARNOS TODO ESTE MATERIAL. MOITÍSIMAS GRAZAS!!






ANIVERSARIO NO MES DE ABRIL

NESTE XA PASADO MES DE ABRIL TIVEMOS A LEO DE ANIVERSARIO! MOITOS PARABÉNS!!


AQUÍ CHE DEIXAMOS A TÚA CANCIÓN DE ANIVERSARIO PERSONALIZADA...

miércoles, 26 de abril de 2017

COÑECEMOS A LUCY

O PASADO MÉRCORES RECIBIMOS A DERRADEIRA VISITA ANIMAL. OHHHHHHHHHH!!!!! QUE MÁGOA! CO QUE NOS GUSTABAN ESTES MOMENTOS!


A ÚLTIMA MASCOTA EN VISITARNOS FOI A CADELIÑA DE ENOL, QUE ADEMÁIS TEN UNHA HISTORIA UN POUCO TRISTE NOS SEUS COMEZOS PERO MOI, MOI FELIZ DENDE QUE FOI ADOPTADA POR ESTA FAMILIA.

OS ENCARGAD@S DE CONTARNOS ESTA HISTORIA E DE APORTARNOS MÁIS DATOS SOBRE A VIDA DESTA CADELA FORON IVÁN E ANGÉLICA, OS PAPÁS DE ENOL...



ANTES DE FALARNOS SOBRE AS SÚAS CARACTERÍSTICAS FÍSICAS, O SEU TIPO DE ALIMENTACIÓN OU DOS SEUS XOGUETES PREFERIDOS, ANGÉLICA COMEZOU POR CONTARNOS COMO CHEGOU ESTA CADELIÑA Á SÚA CASA...


ANTES DE SER UN MEMBRO MÁIS DESTA FAMILIA, ESTIVO UN TEMPO NA PROTECTORA DE ANIMAIS PORQUE FOI ATOPADA NA RÚA SOA, TRISTE E ABANDONADA...


ALÍ COÑECEU A MOIT@S AMIG@S QUE TAMÉN ESTABAN NA SÚA SITUACIÓN PERO, COMO BEN NOS DIXERON NA NOSA VISITA Á PROTECTORA, ESE LUGAR NON É UN FOGAR PARA ELES. AÍNDA QUE ALÍ ESTÁN BEN COIDADOS, SEGUEN A ESTAR TRISTES PORQUE  NECESITAN UNHA FAMILIA DE VERDADE...


ENTÓN FOI CANDO OS PAPÁS DE ENOL A COÑECERON E DECIDIRON LEVALA PARA A SÚA CASA. ASÍ FOI COMO ESTA CADELIÑA PASOU DUN ESTADO DE TRISTEZA A UN ESTADO DE INMENSA FELICIDADE GRAZAS A TER UNHA NOVA FAMILIA QUE ADEMÁIS TAMÉN ESTABA Á ESPERA DA CHEGADA DE ENOL...

DESPOIS DE CONTARNOS ESTA HISTORIA CON FINAL FELIZ, ANGÉLICA NARROUNOS MOITAS COUSAS MÁIS SOBRE ESTA MASCOTA.


A PROTAGONISTA, COMO XA DIXEMOS,  É UNHA CADELIÑA QUE ESTABA NA PROTECTORA DE ANIMAIS DE LUGO E QUE FOI ADOPTADA POR ESTA FAMILIA.


COMO A UN MEMBRO MÁIS DA FAMILIA, DECIDIRON POÑERLLE UN NOME; LUCY, QUE ADEMÁIS SOUBEMOS DELETREALO ESTUPENDAMENTE...


OS SEUS OLLOS SON DE COR NEGRA, A SÚA PELAXE DE COR MARRÓN (EXCEPTO AS ORELLAS QUE SON DE COR NEGRA) E A SÚA COMIDA FAVORITA É O PENSO, O XAMÓN, OS ÓSOS E AS GALLETAS (AÍNDA QUE ESTES ÚLTIMOS TEN QUE COMELOS CON MOITA MODERACIÓN)...


LUCY MIDE 28 CM E PESA 6KG...


OS XOGOS QUE MÁIS LLE GUSTAN A LUCY SON CORRER POLA NEVE, BUSCAR TOUPIÑAS E, SOBRE TODO, XOGAR CON ENOL E CON VIOLETA...


A FAMILIA DE LUCY É MOI NUMEROSA PORQUE ADEMÁIS DE ESTAR FORMADA POR IVÁN, ANGÉLICA, ENOL E VIOLETA TEN A COMPAÑÍA DOUTROS CANS E GATOS TAMÉN ADOPTADOS DA PROTECTORA...


UN DOS MOMENTOS MÁIS ESPECIAIS PARA LUCY É CANDO COMPARTE ZONA DE DESCANSO CON ENOL E CON VIOLETA...

OUTROS MOMENTOS SIGNIFICATIVOS PARA LUCY...


CANDO COMPARTE XOGOS CON ENOL...


CANDO VAN DE VIAXE...


OU CANDO SE DISFRAZAN XUNTOS...

DESPOIS DE ESCOITAR CON ATENCIÓN TODA ESTA INFORMACIÓN, TIVEMOS A OPORTUNIDADE DE TOCARLLE E DE DARLLE DE COMER. QUE BEN O PASAMOS!



COMO UN RECORDO DA VISITA, ENOL LEVA O DOSSIER DE LUCY PARA QUE PODA VELO NA SÚA CASA CADA VEZ QUE O DESEXE...


ENCANTOUNOS COÑECERTE LUCY!


COMO SEMPRE, AGRADECÉMOSLLE MOITO A IVÁN E ANGÉLICA O SEU ESFORZO POR TRAERNOS FÍSICAMENTE Á MASCOTA DE ENOL E POR APORTARNOS A SÚA EXPERIENCIA COMO ADOPTANTES DE ANIMAIS.

E PARA SEGUIR FOMENTANDO OS APADRIÑAMENTOS, AS ACOLLIDAS E AS ADOPCIÓNS ELABORAMOS UN CARTEL PARA A ENTRADA DO COLE CUNHA FRASE QUE RESUME Á PERFECCIÓN O OBXECTIVO QUE QUEREMOS ACADAR CON ESTE PROXECTO ; "NON MERQUES UN CAN DE RAZA, ADOPTA UN SEN CASA". AO CARÓN DO CARTEL, PUXEMOS UNHA CAIXA NA QUE SE RECOLLEN DONATIVOS PARA A PROTECTORA DE ANIMAIS COA FINALIDADE DE CONCIENCIAR A TODO O ALUMNADO DO CENTRO E DE DARLLE A OPORTUNIDADE DE COLABORAR NA CAUSA A TODAS AS FAMILIAS QUE ASÍ O DESEXEN.