COÑECEMOS A NICO

ESTE PASADO LUNS COÑECIMOS Á MASCOTA DE ALEXANDRA, UN PERIQUITO CHAMADO NICO.

PARA  A PRESENTACIÓN DESTA MASCOTA, CONTAMOS COA PRESENZA DE NOELIA QUE NOS FOI APORTANDO UN MONTÓN DE DATOS SOBRE A VIDA DESTE PERIQUITO.

ENTRE TODA A INFORMACIÓN DESCUBRIMOS QUE...

O PROTAGONISTA DESTA SEMANA É UNHA AVE, NESTE CASO UN PERIQUITO.

O SEU NOME É NICO. APROVEITAMOS A OCASIÓN PARA DELETREALO, CONTARLLE AS LETRAS E PARA OPINAR SOBRE SE ESE NOME NOS PARECÍA LONGO OU CURTO. 

OS OLLOS DE NICO SON DE COR NEGRA, A SÚA PLUMAXE TEN MOITAS CORES; AMARELA, VERDE, NEGRA...E A SÚA COMIDA FAVORITA SON AS SEMENTES,A FROITA, A VERDURA, AS BARRITAS E OS COMPLEXOS VITAMÍNICOS.

NICO MIDE 19 CM E PESA 35 GR. TOD@S ESTIVEMOS DE ACORDO EN QUE ERA A MASCOTA MÁIS PEQUENA DAS QUE NOS VISITARON ATA O DE AGORA E, POLO TANTO, ERA A QUE MENOS MEDÍA E A QUE MENOS PESABA.

OS XOGUETES FAVORITOS DE NICO SON O ESPELLO E O BALANCÍN, NO CAL SE COLUMPIA CANDO LLE APETECE.

A FAMILIA DE NICO SON OUTROS PERIQUITOS E, COMO VEMOS, NON TODOS TEÑEN A PLUMAXE DAS MESMAS CORES.

OS MOMENTOS MÁIS ESPECIAIS PARA NICO SON CANDO ALEXANDRA XOGA CON EL E LLE DA DE COMER.

AÍNDA QUE TIVEMOS A OPORTUNIDADE DE VER A NICO EN TODO MOMENTO MENTRES NOELIA NOS CONTABA ESTAS COUSIÑAS, SEMPRE NOS GUSTA VELO MÁIS PRETO. POR ISO, A MAMÁ DE ALEXANDRA FOI ACHEGÁNDONOS A XAULA PARA PODER VELO MELLOR E, AÍNDA QUE ESTABA UN POUCO ASUSTADO, PORTOUSE XENIAL!

AO IGUAL QUE O RESTO DE COMPAÑEIR@S QUE XA PRESENTARON A SÚA MASCOTA, ALEXANDRA TAMÉN LEVARÁ O DOSSIER DE NICO  PARA TER UN RECORDO DESTE DÍA.

ENCANTOUNOS COÑECERTE NICO!

POR SUPOSTO, AGRADECER A NOELIA A SÚA DEDICACIÓN TANTO PARA TRAERNOS FÍSICAMENTE A NICO COMO PARA PASAR UN RATIÑO NA AULA CONTÁNDONOS COUSIÑAS SOBRE ESTE PERIQUITO.

APROVEITO ESTA ENTRADA PARA LEMBRAR AS DATAS DE PRESENTACIÓN DE MASCOTAS QUE SUFRIRON ALGÚNS TROCOS DESPOIS DE TER DÚAS PRESENTACIÓNS NUNHA MESMA SEMANA.

LUNS, 13 DE FEBREIRO; PAULA

LUNS, 20 DE FEBREIRO; JAVI

LUNS, 6 DE MARZO; ALEJANDRO

LUNS, 13 DE MARZO; LUCÍA

LUNS, 20 DE MARZO; ENOL

LUNS, 27 DE MARZO; ELISABETH

LUNS, 3 DE ABRIL; CARMEN

AFIANZAMOS AS CORES E TRABALLAMOS O CONTEO...

Á HORA DE TRABALLAR A LÓXICA-MATEMÁTICA CON NEN@S DE INFANTIL, AS ACTIVIDADES MÁIS AXEITADAS SON AS MANIPULATIVAS PORQUE SON AS QUE LLES PERMITEN EXPERIMENTAR COS ELEMENTOS QUE SE EMPREGAN PARA LEVAR A CABO A ACTIVIDADE E, Á SÚA VEZ, PERMÍTENLLES CORREXIR OS POSIBLES ERROS DE FORMA INMEDIATA. EN DEFINITIVA, PERMITEN AOS NENOS APRENDER "FACENDO E EXPERIMENTANDO" , SEGUINDO A TEORÍA DAS IRMÁS AGAZZI.

NUNHA DAS SESIÓNS DA XORNADA DE HOXE, TRABALLAMOS AS CORES E O CONTEO DUNHA FORMA GLOBALIZADA A TRAVÉS DUHA ACTIVIDADE MANIPULATIVA QUE CONSISTE EN INTRODUCIR EN VASIÑOS DE PLÁSTICO DE DIFERENTES CORES O NÚMERO DE PINZAS QUE NOS INDICA A ESTRELIÑA QUE TEMOS AO CARÓN DO NOSO VASO. ADEMÁIS, AS PINZAS DEBEN CORRESPONDERSE COA COR DO RECIPIENTE.

XULGADE VÓS MESMOS COMO O FIXERON...

FIXÉRONO ESTUPENDAMENTE VERDADE?...

LECTO-ESCRITURA E APRENDIZAXE COOPERATIVA

COMO XA VOS COMENTEI NUNHA DAS ENTRADAS ANTERIORES, UN DOS RECURSOS EDUCATIVOS QUE VAI ESTAR MOI PRESENTE NA NOSA AULA É A MESA DE LUZ PARA TRABALLAR DIFERENTES CONTIDOS.

NESTA OCASIÓN, EMPREGÁMOLA PARA TRABALLAR A LECTO-ESCRITURA. ADEMÁIS, PARA QUE A ACTIVIDADE RESULTASE FUNCIONAL E SIGNIFICATIVA PARA OS NEN@S, AS PALABRAS QUE FORON COMPOÑENDO FACÍAN REFERENZA AO NOME DAS MASCOTAS QUE NOS VIÑERON PRESENTAR AS FAMILIAS PARA O PROXECTO "PROTEXE AOS ANIMAIS". DESTE XEITO, CONSEGUIMOS TRABALLALO TODO DUNHA FORMA GLOBALIZADA.

POR OUTRA PARTE, CON ESTA ACTIVIDADE PUXEMOS EN XOGO TAMÉN A APRENDIZAXE COOPERATIVA. POR PARELLAS, DEBÍAN COMPOÑER O NOME DA MASCOTA QUE APARECÍA NA IMAXE; UN DELES IDENTIFICABA E BUSCABA AS LETRAS CORRESPONDENTES AO SON QUE EU LLES ÍA DICINDO E A OUTRA PARTE DA PARELLA ERA A ENCARGADA DE COLOCALAS NA DIRECCIÓN CORRESPONDENTE.

E ASÍ DE BEN O FIXERON...

ESTA VEZ TRABALLAMOS COS NOMES DE "PERICO"  E "SALTARÍN". NOUTRA OCASIÓN, TRABALLAREMOS A COMPOSICIÓN DOS NOMES DO RESTO DE MASCOTAS QUE NOS ESTÁN A VISITAR.

COÑECEMOS A "ROCKY"

ESTE LUNS TIVEMOS O PRACER DE COÑECER Á MASCOTA DE OSCAR E DE SERGIO, UN CACHORRO DE PASTOR ALEMÁN CHAMADO "ROCKY".

ISABEL, A MAMÁ DOS NEN@S, FOINOS ENSINANDO O DOSSIER QUE COMPLETOU NA CASA COA AXUDA DOS SEUS FILLOS E CONTOUNOS UNHA MOREA DE COUSAS.

ENTRE ESTAS COUSAS DESCUBRIMOS QUE...

O PROTAGONISTA DESTA SEMANA É UN CADELIÑO DA RAZA PASTOR ALEMÁN

O SEU NOME É "ROCKY". CHÁMASE IGUAL QUE UN DOS COMPOÑENTES DA "PATRULLA CANINA".

OS SEUS OLLOS SON DE COR NEGRA, A SÚA PELAXE TEN TRES CORES; NEGRA, MARRÓN E GRIS E A SÚA COMIDA FAVORITA É O PENSO E A CARNE.

ESTE CADELIÑO MIDE 35 CM E PESA 3,5 KG. É O QUE MÁIS PESA DOS QUE NOS VISITARON ATA O DE AGORA.

A ROCKY GÚSTALLE XOGAR COA PELOTA, MASTICAR ÓSOS, CORRER DETRÁS DA SÚA MAMÁ  E, SOBRE TODO, GÚSTALLE XOGAR COS NENOS DA CASA.

A FAMILIA DE ROCKY E A SÚA MAMÁ "PERLA" E OS SEUS DONOS, OSCAR E SERGIO.

UN DOS MOMENTOS MÁIS ESPECIAIS PARA ROCKY É CANDO SAE DE PASEO COS NENOS, TAL E COMO PODEMOS VER NA FOTO QUE NOS ACHEGAN.

ESTA VEZ, A MASCOTA PROTAGONISTA VIÑA ÚNICAMENTE CUNHA CORREA POLO QUE PUIDEMOS VELO EN TODO MOMENTO. ADEMÁIS PORTOUSE ESTUPENDAMENTE.  QUEREDES VELO?...

TAMÉN OSCAR E SERGIO LEVARÁN O SEU DOSSIER PARA QUE LLES QUEDE DE RECORDO...

ENCANTOUNOS COÑECERTE ROCKY!!

REMATO ESTA ENTRADA AGRADECÉNDOLLE Á MAMÁ DE OSCAR E DE SERGIO, QUE NOS TROUXERA Á MASCOTA DOS NEN@S AO COLE PARA PODER DISFRUTAR UN POQUIÑO DEL. MOITAS GRAZAS ISABEL!

ANIVERSARIO NO MES DE XANEIRO...

NESTE PRIMEIRO MES DO ANO TIVEMOS DE ANIVERSARIO A MELANI! MOITOS PARABÉNS!!

POR AQÚI CHE DEIXAMOS A TÚA CANCIÓN DE CUMPREANOS PERSONALIZADA...

COÑECEMOS A "SALTARÍN"!

ESTE XOVES TIVEMOS UNHA VISITA MOI ESPECIAL, A MASCOTA DE BRUNO.

TRÁTASE DUN PORQUIÑO  CHAMADO "SALTARÍN" DO CAL SOUBEMOS MOITAS COUSAS MÁIS GRAZAS A TODA A INFORMACIÓN QUE NOS APORTOU A MAMÁ DESTE ALUMNO.

ESCOITAMOS CON MOITA ATENCIÓN E DESCUBRIMOS QUE...

O PROTAGONISTA É UN PORQUIÑO...

O SEU NOME É "SALTARÍN"...

OS SEUS OLLOS SON DE COR MARRÓN, A SÚA PELAXE É DE COR BRANCA E A SÚA COMIDA FAVORITA É O LEITE QUE MAMA DA SÚA NAI XA QUE, IGUAL QUE PERICO, AÍNDA TEN POUQUIÑOS DÍAS.

SALTARÍN MIDE 30 CM E PESA 2KG, EXACTAMENTE O MESMO QUE PERICO, O CABRITIÑO DE NEREA.

A SALTARÍN GÚSTALLE XOGAR NA PALLA E "PELEXAR" COS SEUS IRMÁNS.

SALTARÍN TEN UNHA GRAN FAMILIA DE NOVE COMPOÑENTES; A SÚA NAI E OS SEUS OITO IRMÁNS.

O QUE MÁIS LLE GUSTA A SALTARIN, COMO VEMOS NA FOTO, É A COMPAÑIA DE BRUNO QUE  O COIDA ESTUPENDAMENTE.

AO IGUAL QUE EN TODAS AS VISITAS QUE LEVAMOS ATA O DE AGORA, O MOMENTO MÁIS ESPERADO FOI O DE VER FÍSICAMENTE AO PORQUIÑO E PODER TOCARLLE UN POUCO...

TAMÉN BRUNO LEVARÁ O DOSSIER DA SÚA MASCOTA PARA PODER VELO CANDO QUEIRA E LEMBRAR O DÍA QUE PRESENTOU Á "SALTARÍN".

ENCANTOUNOS COÑECERTE, SALTARÍN!

AGRADECÉMOSLLE MOITO Á MAMÁ DE BRUNO O SEU ESFORZO POR TRAERNOS A ESTE PORQUIÑO, XA QUE NON SEMPRE É DOADO DESPRAZAR AOS ANIMAIS, E POR FACERNOS PASAR UN RATIÑO INOLVIDABLE.

PRACTICAMOS O TRAZO DO NÚMERO "2" NA MESA DE LUZ

A PARTIR DESTE SEGUNDO TRIMESTRE, UN DOS RECURSOS EDUCATIVOS QUE VOU EMPREGAR CON BASTANTE FRECUENCIA NA MIÑA AULA POLA MOTIVACIÓN QUE ESPERTA NOS NENOS/AS  É A FAMOSA MESA DE LUZ.

TRÁTASE DUN RECURSO QUE OFRECE UNHA MOREA DE POSIBILIDADES E A PARTIR DA CAL SE PODE TRABALLAR CALQUERA CONTIDO DUNHA FORMA LÚDICA  E MOTIVADORA. NESTA OCASIÓN, EMPRÉGAMOLA PARA PRACTICAR O TRAZO DO NÚMERO "2". NON PERDADES DETALLE...

COMO VEDES, DÁSENOS XENIAL TRABALLAR NA MESA DE LUZ!