O RETRATO DE MARUXA

COMO XA VOS COMENTEI, CON MOTIVO DA SAÍDA QUE ÍMOS REALIZAR O XOVES 19, ESTAMOS A LEVAR A  CABO UNHA SERIE DE ACTIVIDADES QUE NOS PERMITEN TRABALLAR CONTIDOS RELACIONADOS COA ELABORACIÓN DO PAN.

ESTA SEMANA, GRAZAS Á NOSA MASCOTA LILA, COÑECIMOS UN CONTO CHAMADO "MARUXA" DA EDITORIAL OQO. ESTE CONTO BASÉASE NA CANCIÓN POPULAR POLACA "MARINA GOTUJ PIEROGI", UNHA DAS MÁIS COÑECIDAS DO REPERTORIO FOLCLÓRICO DO PAÍS. 

NA VERSIÓN TRADICIONAL, BENITO RECLAMA UNS PIEROGI (UN PRATO TÍPICO DE POLONIA) E A SÚA MULLER NÉGASE REPETIDAMENTE, ARGUMENTANDO QUE LLE FALTAN, UN POR UN, TODOS OS INGREDIENTES: FARIÑA, AUGA, SAL E CARNE.

NA VERSIÓN GALEGA, OPTOUSE POR TROCAR OS PIEROGI POR PAN, UN ALIMENTO COMÚN A TODAS AS CULTURAS QUE PERMITE UNIVERSALIZAR A HISTORIA.

DO MESMO XEITO, ESTE ÁLBUME ILUSTRADO, PRESENTA O MESMO ARGUMENTO QUE A CANCIÓN POLACA; MARUXA DÍ QUE NON PODE FACER O PAN PORQUE LLE FALTAN TODOS OS INGREDIENTES ( FARIÑA, AUGA, SAL E FERMENTO). ENTÓN DECIDE PEDIRLLE A PEPIÑO, O SEU HOME, QUE OS VAIA BUSCAR PERO, A MODO DE ESCARMENTO ALECCIONADOR, VAILLOS PEDINDO UN A UN, CO ESFORZO ENGADIDO QUE ISTO SUPÓN PARA PEPIÑO.

CANDO POR FIN MARUXA  TEN TODOS OS INGREDIENTES PRECISOS, DÍ, IRÓNICAMENTE, QUE ESTÁ MOI CANSA E QUE SERÁ PEPIÑO O QUE TEÑA QUE ENCARGARSE DE AMASAR O PAN. 

DESTE XEITO, PEPIÑO COMPRENDE QUE, TANTO O TRABALLO COMO O LECER, DEBEN SER COUSA DE DOUS.

COMO VEDES, ESTE CONTO NON SÓ SERVE PARA COÑECER QUE INGREDIENTES PRECISAMOS PARA ELABORAR O PAN SENÓN QUE, ADEMÁIS, SERVE TAMÉN PARA CONMEMORAR O DÍA DA MULLER TRABALLADORA GRAZAS Á MENSAXE QUE TRANSMITE A HISTORIA.

POIS BEN, DESPOIS DA LECTURA DO CONTO E, COMO HOMENAXE A MARUXA, DECIDIMOS ELABORAR O SEU RETRATO EMPREGANDO OS INGREDIENTES QUE PRECISAMOS PARA A ELABORACIÓN DO PAN. ASÍ, POR EQUIPOS, ELABORAMOS A MASA E, POR PARELLAS, FIXEMOS O RETRATO DE MARUXA. QUEREDES VER QUE BEN NOS QUEDARON?

PARA EXPERIMENTAR MÁIS COA MASA, PROBAMOS A BOTARLLE UN POUCO DE COLORANTE ALIMENTARIO VERMELLO E PUIDEMOS VER COMO SE TINGUÍA DUNHA COR ROSADA AO MESTURARSE COA COR BRANCA PROPIA DA MASA. ASÍ, COA MASA DE AMBAS AS DÚAS CORES ELABORAMOS O RETRATO DE MARUXA.